Azərbayan istehsalı şüşə daha bir Avropa bazarında

    Azerfloat İrlandiyaya ixraca başlayır.

    Azerfloat ixrac bazarlarını genişləndirməkdə davam edir. Belə ki, bu gündən etibarən Şirkət yüksək keyfiyyətli ekstra-şəffar vərəqə şüşələrini İrlandiyaya ixrac edəcəkdir. Bununla da, Şirkətin ixrac etdiyi ölkələrin sayı 9-a yüksəlir.

    İndiyədək ixrac olunan ölkələr siyahısına İngiltərə, İspaniya, Hollandiya, Polşa, Türkiyə, İsrail, Ukrayna, Gürcüstan və Rusiya daxil idi. “Karabakh Glass” brendi ilə müştərilərə təqdim olunan Azerfloat şüşəsi yüksək keyfiyyəti ilə müştərilərin rəğbətini qazanmış və bir sıra beynəlxalq şirkətin marağını çəkmişdir. Belə ki , Türkiyəyə ixrac olunan şüşülər dünyaca məşhur Bosch, Gorenje, Archelik, Beko kimi şirkətlərin cihaz və avadanlıqlarını bəzəyir. Polşaya göndərilən şüşə isə İkea brendinin mebellərində istifadə olunur. 

    İstehsal keyfiyyətinin daima qoruyaraq ixrac potensialının genişləndirilməsi Azerfloat'un strateji hədəflərindəndir.