Azerfloat Yay Təcrübə Proqramı

    “Azerfloat”QSC Mayın 21-də Azərbaycan Dövlət Neft və Sənaye Universitetində (ADNSU) keçirilən XII Məzun-Karyera Sərgisində iştirak edib. 

    Tələbə və məzunların məşğulluğunu artırmaq məqsədi ilə keçirilən sərgidə Azerfloat şirkəti tələbə və məzunlara 1-ci Azerfloat Yay Təcrübə Proqramında iştirak etmək imkanı təklif edib. Məzun-Karyera sərgisi nəzəri biliklərə yiyələnmiş tələbələrə əmək bazarında yüksəkixtisaslı kadr potensialının formalaşmasında iştirak etmək, işə götürənlər üçün isə cari vakansiyalar üzrə uyğun namizədlərin seçilməsi və kadr ehtiyat bazasını yaratmaqda əlverişli platformadır. 

    “Azerfloat” QSC yerli və xarici bazarda ciddi diqqət qazanmış Azərbaycanın ilk və yeganə vərəqə şüşə istehsalçısı olmaqla yanaşı, gənclərin yüksək texnoloji, innovativ iş yerləri ilə təmin olunmasına imkan yaradaraq ölkənin məşgulluq siyasətinədə öz töhfəsini verir. Ölkəmizdə şüşə istehsalı sahəsində yüksək ixtisaslı mütəxəssis potensialının inkişaf etdirilməsi Azerfloat QSC-nin strateji hədəflərindən biridir. Karyera sərgisində iştirak edən tələbə və məzunlardan Azerfloat Yay Təcrübə Proqramında iştirak etmək üçün şirkətimizə yüzlərlə müraciət daxil olmuşdur. Şirkət yüksək potensiallı gənclərin karyera imkanlarının reallaşması istiqamətində fəaliyyətini bundan sonra da davam etdirəcək.